Ole Ringdal AS er ei privateigd familiebedrift som har historie attende til 1938. Då starta Ole Ringdal eige slakteri som låg i "Hølen" ved Hellesyltfossen. Ole Ringdal reiste på denne tida rundt på gardane og kjøpte slaktedyr på mål (krøtermål).
I 1966 flytta bedrifta inn i nye lokale nede på "Øyra", og har sidan utvida produksjonslokala sine 16 gongar. Dei har i dag eit fabrikkanlegg på 6 200 kv.m.
Ole Ringdal AS er hjørnesteinsbedrifta på Hellesylt med 50 fast tilsette (80 i haustsesongen). I eige slakteri produserer vi ferske kjøtvarer og spekemat.
Totalt sel vi ca 3000 tonn varer som blir distribuert over heile landet, men hovedområde for ferske kjøtvarer er Nordfjord og Møre og Romsdal. I løpet av eit år blir det slakta ca. 25000 dyr av storfe, sau/lam,og geit/kje. Den årlege omsetjinga i bedrifta Ole Ringdal A/S er på om lag 160 millionar kroner.
Bedrifta, som i dag er eigd av Kristen Ringdal med familie, har gjennom fleire år tatt ei rekkje medaljar for sine produkt i NM i kjøttvarer.